Banner

بېوسي

29.11.2006 08:16

يوه ژېړي مازيګري کې
د ها پورې غرونو غېږه
ما و تا نه وه چاپېره
د يوه غوز د ونې خوا ته
تا کيسه کوله ما ته
د سلګيو په هجوم کې
غټې غټې اوښکې راغلې
ښکته ستا پر اننګيو
ما دا ټوله ننداره کړله په پټه خوله جانانه
او وم دغومره بې وسه
چې در پاکې مې کړای نه شوې
د تا اوښکې په لمنه:

ما وې چې زه به درته ژاړم

له ما نه مخکې ستا پر مخ اوښکې راځينه!

 

 

 

 

 

 

 

 

 

ما وې چې زه به درته ژاړم
له ما نه مخکې ستا پر مخ اوښکې راځينه!